_CIG-Autonómica_ *A CIG presenta 40 propostas de cambios na xestión e máis de 700 achegas de cursos ao plan de formación 2026 da EGAP* Estas propostas forman parte da campaña da CIG «Por unha EGAP transparente e en galego». A recada foi posible grazas ás abondosas contribucións do persoal desta Administración, que demanda non só o incremento substancial da cantidade de cursos, que permita un acceso máis doado e xusto, senón tamén a total transparencia na selección do persoal formador, como garante dunha maior calidade da formación recibida. https://autonomica.cigadmon.gal/w2/novas-por-contido/263-novas-da-cig-autonomica/8001

_CIG-Autonómica_ *As achegas da CIG e a mobilización van ser fundamentais para deseñar o novo marco normativo para a seguridade do persoal bombeiro forestal* A CIG presenta achegas ao borrador de Real Decreto que desenvolve a Lei básica de bombeiros forestais en materia de prevención incidindo, entre outras cuestións, na limitación da xornada máxima, a formación previa, a obrigatoriedade de investigar os accidentes, na inclusión de todas as actividades onde estea presente o lume e o estudo, XA, das enfermidades profesionais. https://autonomica.cigadmon.gal/w2/novas-por-contido/263-novas-da-cig-autonomica/7992

_CIG-Autonómica_ *Promoción interna a corpos xerais. Modificación RPT Evo-Traballo social (para CP 21/10/25)* https://autonomica.cigadmon.gal/w2/novas-por-contido/263-novas-da-cig-autonomica/8011 A director xeral de Emprego Público e Administración de Persoal convocounos a unha xuntanza da Comisión de Persoal que será o martes 21 de outubro, para a aprobación dos seguintes puntos: 📌 Promoción interna de corpos xerais (A1, A2, C1 e C2); 📌 Modificación puntual da RPT por sentenza xudicial que afecta a uns postos da especialidade de Traballo Social.

_CIG-Autonómica_ *A CIG reúnese coa consellería de Educación polo persoal non docente e as cociñas* A CIG mantivo unha reunión coa consellería de Educación pola situación do persoal non docente dos centros de ensino e as escalas de cociña. Esto foi despois de moitas solicitudes, e de ser necesario chegar á mobilización e o conflito, cunha manifestación en Compostela a finais do curso pasado e as concentracións en todos os departamentos territoriais dependentes da Consellería neste comezo de curso. Puxemos enriba da mesa toda a problemática que existe nos centros de ensino e que o persoal nos vén transmitindo dende hai anos. Toda unha batería de medidas que atinxen aos diferentes colectivos que forman o persoal non docente, e que dende a CIG levamos recompilando dende fai tempo de cara a abordar un acordo marco que non pode agardar máis. A consellería solicitounos tempo para estudar as nosas propostas e convocar unha mesa de negociación. https://autonomica.cigadmon.gal/w2/novas-por-contido/263-novas-da-cig-autonomica/7995

_CIG-Autonómica_ *Monte queimado e axentes baixo mínimos: a Xunta abandona o control da caza* A tempada de caza comezou este domingo 19 de outubro nun contexto especialmente delicado para o medio natural galego. Despois dun verán no que arderon milleiros de hectáreas, a Consellería, por vez primeira en anos, non activou as gardas do período extraordinario, deixando o servizo baixo mínimos históricos polo que só o 25 % do cadro de persoal estará operativo, fronte ao 50 % habitual nestas datas. https://autonomica.cigadmon.gal/w2/novas-por-contido/263-novas-da-cig-autonomica/8012

*No web de CIG-Autonómica* https://autonomica.cigadmon.gal 👉Promoción de persoal laboral fixo aos subgrupos A2, B, C1 e C2: aspirantes que superaron os procesos 👉Promoción interna aos subgrupos A2, C1 e C2: baremación provisional da fase de concurso 👉Sociedade de Vivenda Pública de Galiza: nomeamento de comisións de selección de varios procesos 👉Oposicións escalas técnica e auxiliar de cociña: listaxes definitivas de persoas admitidas 👉Listas de substitucións da Lei 17/1989: listaxe definitiva de admitidas e baremación definitiva 👉Oposicións promoción interna enxeñaría de minas: resultados do segundo exercicio