🌑 Dende o Concello de Marín unímonos ao minuto de silencio convocado pola FEMP en memoria das vítimas do terrible accidente de ferrocarril de Adamuz e en solidariedade coas súas familias e seres queridos. Tamén para mostrar o desexo de recuperación das persoas feridas e un gran agradecemento a todos os servizos sanitarios e de emerxencias que están traballando incansablemente ante este terrible suceso. Será este hoxe, luns, 19 de xaneiro de 2026, ás 12.00 horas diante do Concello.

#Axenda 🗣️ O Museo Torres acollerá mañá ás 20.00h unha interesante charla sobre o 140 aniversario do nacemento de Alfonso D. Rodríguez Castelao. Organizado polo Club de Opinión Portocelo. 👉🏻 Será a cargo do pedagogo e mestre Adolfo Muíños Sánchez.

#Aviso 🟠 Novamente, MAÑÁ teremos alerta laranxa por fenómenos costeiros, polo que se suspenderá a actividade deportiva no MAR durante todo o día. Moita precaución!

#AVISO ❌ Tal e como se acordou esta mañá e ante as condicións climatolóxicas, queda definitivamente suspendida a edición do Stock Marín que estaba prevista para esta fin de semana. O obxectivo será sacar adiante outra campaña de dinamización comercial proximamente e poder focalizar esforzos tamén na campaña de sorteo de tarxetas que se realizará polo Día da Nai.