🗞️#NdP| 𝐑𝐞𝐜𝐨𝐧̃𝐞𝐜𝐞𝐦𝐞𝐧𝐭𝐨 𝐚 𝐀𝐦𝐞𝐥𝐢𝐚 𝐜𝐨𝐦𝐨 𝐚 𝐩𝐫𝐢𝐦𝐞𝐢𝐫𝐚 ❞𝐌𝐮𝐥𝐥𝐞𝐫 𝐈𝐧𝐟𝐢𝐧𝐢𝐭𝐚❞ 𝐧𝐨 𝟖𝐌 "O vindeiro domingo 8 de marzo, coincidindo coa celebración do Día Internacional da Muller, o Concello de Salceda de Caselas renderá homenaxe á súa veciña Amelia Cerqueira Estévez, que será homenaxeada como a primeira “Muller Infinita” do municipio. A conmemoración polo 8M contará cunha ampla programación cultural e educativa que se prolongará ata o mes de maio. Está organizada en colaboración co tecido asociativo local, especialmente coa Asociación Treze Catorze. O teatro, a educación afectivo-sexual e o humor serán os eixos centrais dunha proposta que busca achegar á veciñanza os valores da igualdade e da xustiza social." 👀 Le a nota completa: https://salcedadecaselas.gal/reconecemento-a-amelia-como-a-primeira-muller-infinita-no-8m/

🙌Logo do éxito da primeira escavación da Foxa de Soutelo, na que recuperamos dous corpos asasinados en 1936, este ano ampliaremos a zona a escavar. 📍 Esta semana comezamos coa planificación da segunda fase da escavación da Foxa de Soutelo, nunha xuntanza no lugar á que asistiron a alcaldesa Loli Castiñeira, o concelleiro de Cultura Álex Rodríguez, o arqueólogo Eduardo Breogán, o párroco de Soutelo Clodomiro Ogando e Helena Pousa e Miguel González, representantes da Comisión pola Recuperación da Memoria Histórica do Baixo Miño, A Louriña e O Condado. ⛪ Os traballos comezarán na primeira quincena do mes de abril e desenvolveranse no adro da Igrexa de Soutelo, dando continuidade á zona xa escavada en 2025. O obxectivo é atopar as 5 persoas paseadas e asasinadas en setembro de 1936, que segundo as informacións orais están soterradas nese lugar. 🗞️ https://salcedadecaselas.gal/salceda-bota-a-andar-a-ii-fase-da-escavacion-da-foxa-de-soutelo/

✨Presentámosvos o proxecto da rúa peonil entre a rúa Brasil e a Praza do Concello, un espazo amplo, cómodo e seguro onde a prioridade será camiñar con tranquilidade, convivir e gozar do espazo público. 👉 Que incluirá esta nova rúa? ▪️ Soportais a ambos lados, para protexer da choiva e do sol ▪️ Zonas amplas para pasear con comodidade ▪️ Un espazo central con áreas deportivas e de xogo infantil ▪️Árbores e zonas verdes con vexetación autóctona ▪️Tráfico moi limitado, só para acceso a garaxes 🌱 O obxectivo é crear unha contorna máis segura, accesible, inclusiva, sostible e saudable, eliminando barreiras arquitectónicas, reducindo ruídos e fomentando a convivencia, o lecer e a actividade física.

🗞️#NdP| 𝐒𝐚𝐥𝐜𝐞𝐝𝐚, 𝐬𝐞𝐝𝐞 𝐝𝐨 𝐈𝐈𝐈 𝐟𝐞𝐬𝐭𝐢𝐯𝐚𝐥 𝐬𝐨𝐥𝐢𝐝𝐚𝐫𝐢𝐨 𝐝𝐞 𝐂𝐚́𝐫𝐢𝐭𝐚𝐬 𝐋𝐨𝐮𝐫𝐢𝐧̃𝐚 "A Igrexa de Santa María de Salceda foi o escenario escollido para a presentación do III Festival Solidario de Cáritas Arciprestal Val da Louriña, que se realizará o vindeiro 8 de marzo ás 18.00 horas coa participación dos Concellos de Salceda de Caselas, O Porriño e Mos. Cáritas Louriña, coa colaboración dos tres Concellos, leva organizado diferentes eventos nos últimos anos nos tres municipios, e nesta ocasión Salceda será a sede para o III festival solidario que se celebrará no Auditorio Municipal. O evento contará coa actuación do grupo O Serán de Salceda, o grupo Donicelas tamén de Salceda, e o grupo de teatro A pedra do cabalo de Celeiros (Ponteareas) coa obra A pantasma de papá." 👀 Le a nota completa: https://salcedadecaselas.gal/salceda-sede-do-iii-festival-solidario-de-caritas-lourina/

🎭 Se che gusta rir e aprender o domingo 22 de marzo no Auditorio Municipal ás 19.00h tes unha cita! 📚 A historia Vaxenial é un monólogo teatralizado con moito humor e reflexión sobre a sexualidade da muller ao longo da historia. 🎨 Artiyc content preséntanos arte, educación e comedia nunha obra de Raquel Nogueira e Iván Marcos, gañadora do VI Premio Luísa Villalta 2024 a proxectos pola igualdade. ♀️ Esta obra forma parte da programación con motivo do 8M e está coorganizada pola asociación @acdetrzecatorze e financiada con fondos do Pacto de Estado contra a violencia de xénero do Ministerio de Igualdade. 🎟️ Podes recoller os convites de balde na casa da cultura, ou o propio día media hora antes da obra. 🔞 Espectáculo recomendado para maiores de 14 anos.

🗞️#NdP| 𝐎𝐬 𝐂𝐨𝐧𝐜𝐞𝐥𝐥𝐨𝐬 𝐝𝐞 𝐒𝐚𝐥𝐯𝐚𝐭𝐞𝐫𝐫𝐚 𝐝𝐞 𝐌𝐢𝐧̃𝐨 𝐞 𝐒𝐚𝐥𝐜𝐞𝐝𝐚 𝐝𝐞 𝐂𝐚𝐬𝐞𝐥𝐚𝐬 𝐮́𝐧𝐞𝐧𝐬𝐞 𝐩𝐚𝐫𝐚 𝐨 𝐈𝐈𝐈 ❞𝐀𝐜𝐨𝐦𝐩𝐚𝐧̃𝐚́𝐦𝐨𝐬𝐭𝐞: 𝐂𝐨𝐧𝐜𝐢𝐥𝐢𝐚𝐜𝐢𝐨́𝐧 𝐜𝐨𝐧 𝐜𝐨𝐫𝐚𝐳𝐨́𝐧❞ Tras o éxito das anteriores edicións do programa “Acompañámoste: Conciliación con corazón”, os Concellos de Salceda de Caselas e Salvaterra de Miño continúan a traballar unidos para optimizar os recursos e garantir a igualdade e a conciliación nas familias dos seus concellos. 👀 Le a nota completa: https://salcedadecaselas.gal/os-concellos-de-salvaterra-de-mino-e-salceda-de-caselas-unense-para-o-iii-acompanamoste-conciliacion-con-corazon/